Alman dili dünyanın əsas dillərindən biridir. Dünyada təxminən 100 milyon insan tərəfindən ana dili kimi istifadə olunur. Doğma alman dilində danışanların əksəriyyəti Almaniya, Avstriya və İsveçrə kimi Mərkəzi Avropa ölkələrindəndir. Almandilli qrupların əhəmiyyətli hissəsi həmçinin İtaliya, Belçika, Lixtenşteyn, Lüksemburq və Polşanın bəzi bölgələrində də yaşayır.
Almandilli ölkələrin siyasi, iqtisadi, mədəni və sənaye əhəmiyyətinə görə, alman dili ikinci dil olaraq geniş yayılıb. Alman dili İnternetdə ən çox istifadə edilən üçüncü, elmi fəaliyyət və nəşrlərdə isə ikinci dildir. Biznesin aparılması üçün ən faydalı dillərdən biri kimi qəbul edilir. Avropa Birliyində alman dili, ümumi daşıyıcılarının sayına görə, ikinci ən böyük dildir.
